سهران والله بقالي يومين وبقول من قلة نومي؛ الشوق، أهو غاب وحنين الليل اللي بيقعد يسرق أحلامي من تعبي اهو ساب  والسهد  هيهرب من سهد الليله فى ليل ويقول حرام إني  أحضرلك ليله والعقل غياب واتاري الحاله اللى انا فيها  تشبه لحالات،   مكتوبه باوصافها صفحات فى كتاب وعلاج كان يشبه  اوصافه للحاله أعراض النوم  وانا كنت أخاف دايما من كُتر النوم ومن فعل القوم وانا كنت أخاف دايما ليجيني  حنيني فى احلامي   ويكتبلي جواب والشوق غلاب وعذاب الحب بيكتب جوا  ظلام الليل دمعات للعين  ودموع العين أوقات،   بتخبي عتاب   أهو غاب عن عينك قبل يومين  وغيابه أهو طال تتعجب ليه من حسبة قلب فى نص الليل  والحاله بتشبه حاله عجاب آثنين أحباب بيفرق بينهم   سطر كلام مكتوب فى جواب مبدوء ترحاب وسلام فى سلام  متبوع بخطاب. يكتب اسباب الهجر وفيه مختوم بحنين  على فين هنروح يا دموع العين على فين  هيخدني حنيني   لفين هتخبي الشوق فى عيونك يوم  هتزيد أوجاعه فى نص الليل وتشوف الويل  والشوق وحنين دايما غلاب والباقي غياب