١- تكلم ولا فاد الغريب كلام = على منطق(ن) مير العقول سقام ٢- تفانت ليالينا وباحت سدودنا = أراها، وليل الطامعين دوام ٣- نحامي عن اللي ما خلا صيتها أبد = ولا قد خلا صيت(ن) عليه تمام ٤- خلوا منه قوم(ن) هم تضرّوا على الخنا = وقوم(ن) على قرع الطبول هيام ٥- ولا من بدا ربّ الثوير وْحسيلها = ظنونك علينا يالحقير إمام! ٦- تراجَحْ مكايِيْل وْتمايَل كفوفها = رجحنا، وهم بعد السجال جثام ٧- وزادوا، وزدناهم عليها، وفوقها = يلا من غدا عظم العجوز حطام ٨- ودارت رحاة(ن) من عوادي خطوبها = مقاديرها إنّي؛ غديت ملام ٩- غدا بي من الضيم المرير المجنّني = غبوني عليها والصرام صرام ١٠- تراديد هجْس(ن) لا طروها، أقولها: = «عساها مع من في اللحود نيام» ١١- ثلاث(ن) من الأعوام قد هي تصرّمت = عسى الخير فيها، والسعود أمام ١٢- فجوج الخلا يا عاذلي قد توسّعت = من الماضي الغبَر والسنين قِدَام ١٣- وما احْد(ن) ضرب إيدك على خوّة(ن)، ولا = على راييَ المطروح؛ وانْتْ لمام ١٤- طيور السما في شكلها لو تنوّعت = أنا ما لقيت امْن الطيور قطام ١٥- ألا عاذلي خلّك بليغ(ن) ومفْصحي = ولا يكثر الهرج وْيطول خصام ١٦- قبول الوشاة ابْعد طريق(ن) على الكفو = ولا يسمع الهيّن رفيع مقام ١٧- يزيد ابْهم الغيظ، وْيزاد النكد نكد = وحنّا عليهم بالنّيار ضرام ١٨- كما العقرب اللادغ ذنبها رويسَهَا = طويل(ن) يورّدها دروبْ حِمَام ١٩- قضت تسعة(ن) من شهر ذي الحجة وْسرت = على ماضيَ الدهر القديم سلام ٢٠- ألا ليت لي في مشرق الصبح لانجلى = ظلام الليالي والطريق ظلام ٢١- بصاير تقدّي كلّ غاوي بنورها = وتجلى عمى عين الضرير قوام ٢٢- غواة(ن) ترى طبع العجم ما يشينها = صحيح(ن)، على بعض العقول لثام! ٢٣- جموع العجم بين العرب قد تحجّزت؛ = وحدّر عريب(ن) للتهام يهام ٢٤- قفار(ن) ديارهم سوى من عبيدهم = من اقْصى بلاد المسلمين جيام ٢٥- على واطيَ الصنعات أطيب فعولهم، = وآخر يفكّ امْن الحديد لحام ٢٦- غريب اللذي بين العرب في صنايعه = ولا هو علينا يالغريب حرام ٢٧- طرقنا بحور(ن) ما طرقها كذوبها = ولا رامها الجاحِد بَلاه هلام ٢٨- أنا اللي ورثها من كريم المحاتدي = وقد عقّبَت بيض الوجيه كرام ٢٩- ذوي يحمد وْبهم صخا بادع الثنى = من آلاد جعفر والفعول جسام ٣٠- لنا ديرة(ن) لا ربّعت خايع وْزهر = نسوق الركايب، والحثيث شمام ٣١- حريب(ن) طمع فيها وْحريب(ن) يهابنا = ولا قدّر اللهْ للحِرَاب مرام ٣٢- نحامي عليها والخلايق شهودها = وكم طامع(ن) دون الحدود يضام ٣٣- وحنّا أهل ظمي(ن) كبار(ن) جرومها = من الحمر مجهم لو يقلّْ قتام ٣٤- سلايل سليم الهوج؛ هوج الحرايبي = ذرى اللي غشاه امْن البلاء غمام ٣٥- دروع(ن) لزهران(ن) وَأَعظم ركونها = حموا حدّها من المغيْبْ وَشَام ٣٦- أشوف المهوّلةْ تهايل سروقها = وفي «الهوج» يطمع به وبوه خمام ٣٧- قريب(ن) معشّاها، ولو طوّلوا النظر = تشبّهْ بحرّ(ن)؛ والطِيَاْرْ نعام ٣٨- كثير(ن) عددها، حقير(ن) عديدها = ترى فعلها ارْدى من عويد ثمام ٣٩- مع الترك وصمة عارها لو تجاحدت = تزيّف وقايعْ والسيوف ثلام ٤٠- أمور(ن) لنا يا سارقيها تعفّفوا = ومن ثقل شيلتها يطيح غلام ٤١- حذاري يجارينا عليها مجاريَ(ن) = ولا قد مضت بعض الحقوق هضام #راشد_بن_صافية ٨ صفر، ١٤٤٣ هـ ١٥ سبتمبر، ٢٠٢١ م