قصيدة موجهه لأخوي الشاعر سلطان فارس العطاوي العتيبي الله من قلب ٍ تزايد جضيضه قلب ٍ من التفكير صابه جضوضي ما ظنتي يا مسندي فيه عيضه من عقب ما كثرت عليه العروضي المسعدين اهل النفوس الحضيضه السالمين من الشعر و الرضوضي و أنا البكا اصبح عليّه فريضه متى بروق الخير يمي تنوضي بعض العرب يركض ويفلح ركيضه و البعض يركض ما يفيده ركوضي سلطان يا سقم النفوس البغيضه اشوف من بعض الرفاقه غموضي واهل الردى ماهم علينا غميضه مار الغميضه من يرد القروضي و الا الكدوش اهل النفوس المريضه تباعة المنكر و ترك الفروضي عسى المزون اللي عليهم عريضه تهل يا ريف الهجافا شضوضي وترى دلوه البال في وسط فيضه تدوج يا فرز الوغى بكل روضي بأرض ٍ خضاره راهياً من مفيضه تلقى العرب بـأخبار خيره تخوضي يرجف رعدها زين بارق وميضه شوف الشغايا و المسايل تفوضي والذود فيها داج في وسط اريضه منهو قناهن يا الصحيب امحضوضي القلب يقضي يا ولد روق غيضه مع خوة اللي للصعايب نقوضي شعر : ممدوح العفري رد اخوي الشاعر سلطان بن فارس العطاوي العتيبي الله من قلب ٍ تزايد نفيضه من علة ٍ بالقلب تقل امعضوضي ذاق النكد في شتاه و الا مقيضه الصبر باح وفي همومه يخوضي جتني رساله بان قدمي وميضه هرج صحيح عن الحكم هو يعوضي الشمري ممدوح هجرس بهيضه و ابدى كلامه لي وقال النهوضي يشكي علي وقت ٍ تيبس لحيضه وقت ٍ رفع راس الضعيف الربوضي قلوا به اصحاب النقا و الفريضه صار السبع في هالمحاجي ربوضي واقول نفسي من زماني مريضه من عالم ٍ تكثر علي الرضوضي ان جاك شر من النفوس البغيضه اخير من تطعن سكيني بحوضي خل الردي يهرج و يظهر خضيضه ترى الردي دايم طروقه غموضي اشهر وكب الناقصه و الربيضه واعرف ترى طبع الهديفه غيوضي سج القدم وسط الفياض العريضه مع خوة اللي للصداقه يحوضي في خايع ٍ ريح الخزامى بفيضه شوف السحاب اللي بروقه عروضي ينسيك ما تشكيه نفس ٍ مريضه يبدي بعدها للسعادة عروضي هذا هوا نفسي ليا زاد غيضه بعد الصلاه النافله و الفروضي شعر : سلطان العطاوي