أنا أحزن واحد يحبك وأنا أول واحد يحبك وأنا اكثر واحد يحبك أنا قلبك أنا اللي تاه بدوربك ولإنك قاسية وياي أنا عيوبك يوم إني طفل كنت أعشق كثير الصبح ب شروقك عطيتك ضحكتي وأجمل سنيني وصرت مسروقك أنا دمك أنا عروقك وأنتِ مو حبيبة بس أنا أبنك وأنتِ مو مثل أمي حنونة بس مثل أمي تضمّيني تزفيني تعنّيني وتعنيني وتبكّيني لمصلحتي وأنا ذراعك أنا اللي يشيلك إن طحتِ أنا اللي فوق همّه رغم حزنه أنتِ أرتحتي أنا أحفظك في قلبي وأشيلك وين ما أرحل أنا أطيعك وواثق لو على قبري وما أسأل ولو غيري يبي يجفل وأنا أقبل لأن الحب معناه العطاء الأوّل الآخر يا أنتِ لو يعرفونك و والله لو يشوفونك يحبونك لأنك مو بنيّة وبس أنتِ كون في كونك بعد موتي أنا موصي هلي في غرفتي صندوق يفكونه ويعطونك أماني عمري المسروق قصايد أو كتابات ٍ حزينة أو خواطر شوق وأنا كاتب لهم عنوانك الأول مع الثاني عسا يوصلك وتشوفين أنا وياك رحت ل وين ولا ديره ولا مينا ولا حتى سماء تحضن أمانينا ولا شجره حفرنا بجذعها أحرف أسامينا وإنتِ غايبة وأنا أحبك هذي أقداري أنا أحزن واحد يحبك وأنا أكثر واحد يحبك وحنا موتنا الفرقا لأني يا جسدي قلبك 22 أيار 2010 كوبنهاغن – الدنمارك