دخول
تسجيلدرب المحبة
Jan 23, 2021 11:12 AM Jan 23, 2021 11:12 AM
.. على درب المحبة اللي جمعنا : واقفة .. للحين ! ولو يطفى أمل قلبي ؟ بـ نور وفـاي ضوّيتـه يمرّ الوقت مستعجل ، ومن عُمري تطيح سنين وهالدنيا وقفت بيني ، وبين انسان حبّيتـه .. أحبّه من صغر سنّي .. كبرت اردّد الـ : آمين ياربّ الأمنيات ؛ ازرع زهر أيّامي في بيتـه وربّ الخوف في صدري ، وربّ الصّدق في القلبين ” سقف واحد “ حلم عُمره ، وكل اللي تمنّيتـه .. على وعده -على خُبري- : أحبك لين يوم الدين على وعدي : غرامك في سواد العين خبّيتـه يا ليت انّي ” أحد غيري “ يجوز انّ الظروف تلين اطيّب خاطري بـ الـ ” ليت “ وموت العاجز ؟ بـ ليتـه .. واشبّ شموع أحلامي .. تطفّيها : دموع العين ويشرب دمعتي وزن القصيد ، ويزهر فْ بيتـه وأنا ما بين خوف يموت حلمي في المهاد ، وبين أمل بُكرة يجمّعنا ؟ كتبت ” الصّبر “ ، وغنّيتـه .. أأمّل قلبي ، وخيوط الأمل ؟ ما تستر المسكين واصبّر روحي ، واتفيّـا : ظلال شعور داريتـه ولا أدري وش المكتوب ؟ ، ولا أدري نصيبي وين ؟ أخاف المستحيل يعانق الممكن : وأنا ميتـة ! ..
الكاتب: أروى
0المفضلة
93 المشاهدات
0 تعليقات