يا وجودي وجد طفلٍ تجافاه الرقاد السبايب ماتت امه بعد ما مات ابوه ماتت امه من مرضها بعد وقت الحداد بعد عشر ايام منها لحق بـ امه اخوه اظلمت دنياه بالحزن و انهار الفؤاد شيب عينه كل ما الناس بــ اهله ذكّروه يبلغ من العمر تسعه معَ خمس ٍ وكاد لا عضيد ٍ يعتزي به و اقاريبه جفوه عاش عمره في مشاكل وشاف الاضطهاد ذاق منهم طعم الامرار جاروا وقهروه بعدها شد الركايب وشاف الابتعاد خير وافضل من جلوس ٍ معَ ناس ٍ نسوه راح منهم عاصب الراس ودموعه جداد المصيبه يوم يرحل تراهم ما نشدوه ما يبونه صار عاله و لا عنده سناد غاب عشر سنين عنهم ولا يوم افقدوه عاش عمره ضايق البال في صبر و جهاد انحرق يوم ان ربعه نفوه و عذبّوه صارت الدنيا بوجهه سواد ً في سواد سود الله وجه الاشرار بالقشرا جزوه ذا وجودي مثل وجده وزاد الحزن زاد وسط قلبٍ ذاق الانكاد وشعوره يتوه وجد عودٍ راحت ابله مع القوم البعاد يوم جوه القوم عيّال بالليل اهجدوه اكسبوا منه المغاتير في تال البراد يوم شدوا بالمغاتير عادوا و اضربوه وانتخى يبي الفزايع نصى ربعه قصاد مير ربعه ما يبونه و لا جوه اخذلوه وانقهر من زود قهره تمنى لو يباد من على وجه البسيطه ومات و كفنّوه وجد شيخ(ن) ينطح القوم في يوم الطراد طاح من فوق العبية خصومه صوبوه عزتي له يوم ينصاب من فوق الجواد من يمين اللي ضحى الحرب ربعه جربوه ذا وجودي وادبل الوجد يوم الوجد زاد من هموم خلت القلب من ضيمه يتوه #ممدوح_العفري