الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> الكويت >> حامد زيد >> قرم وفقير

قرم وفقير

رقم القصيدة : 86223 نوع القصيدة : عامي ملف صوتي: لا يوجد


منك العذر وعلي المعذره لا تحسب حساب هجر ولا هجير
كل ذنب بتذنبه بستغفره واحد(ن) ما يعذرك ما فيه خير
دور بصدري وطن واستعمره عندك من الضلع الأول للأخير
عيش فيني وادمر اللي تدمره واعتذرلي واعتبر سرك ف بير
لا تبشرني بجرح وتذخره لا تعشمني بفرح وتستخير
ولا تنومني بليل وتسهره ولا تنام الا وانا جفني سهير
خلني مثل النجوم مبعثره عيش فيني لا شهيق ولا زفير
لا تقول العفو عند المقدره خل قلبك صلب وحسابك عسير
المسامح والزعل للمبزره والا انا لاني زعول ولا صغير
ودي ادري ليه للحزن ثمره ودي اقطف من قساوتك العبير
ودي اجفل من فراقك واحذره ودي اعرف لو زعلت شيب يصير
لو تقدر خاطري صدق اكسره لو صحيح تحبني لا تستشير
ازرع بقلبي سبب يستنفره اثبت انك غير وان الناس غير
شاعرك ما كل بنت تجرجره حارت ابه عقول ناس(ن) ما تحير
النسا ما حركوا فيه شعره ثار عشق وما لقى شي يثير
لو سكت شفت الوقار بمنبره وان تكلم زمهرير بزمهرير
ما يحضر إلا القلوب مجمهره وما يغيب الا وعشاقه كثير
إن هجرته تستقر بمحجره وإن تبعت رضاه ما عينت خير
إعشقه لكن بعد ما تقهره إبتسم له بس لا شفته كسير
حن لكن حن لا جبت خبره حب لكن خل حبك بالاخير
لو عطيته وجهك أعطاك ظهره صد عنه ويتبعك مثل الضرير
لا تحاول تكسبه ما تخسره صير ثلج يصير لك مثل السعير
ما تميل الا الغصون المثمره وما يسيل من الجروح الا الغزير
من قبل ما تنقهر منه اقهره قبل لا يستحقرك خلك حقير
اسكنه حرك جموده بعثره اعشق اكره عاتب اشره حن غير
انثره لملمه.. لملمه انثره صد.. ياخي طير لو تقدر تطير
من متى وانا اتحرى لي مره تثبت اني لا وقعت اوقع كبير
ابك انا مقطوع من غصن شجره لا صديق ولا رفيق ولا عشير
بدوي(ن) شيب الصبر شعره ما عرف ريش النعام ولا الحرير
إن غفا كأن السحاب يدثره وإن صحى يفرش من الرمضا حصير
ماخذ(ن) من قسوة البيد أكثره ومن شموخ البدو شر(ن) مستطير
جنته صحراه والشوك زهره والسراب بنظرته مثل الغدير
إن فزع يا مشجعه يا مظفره من خلقه الله وهو قرم وفقير
كان ما تقدره قل ما تقدره صير غالي صدق والا لا تصير
الغلا اللي ما تزعزعه اهجره دام قلبك لا يجار ولا يجير
شوف لك رجل(ن) بليد استحقره واجد اللي يعشقون بلا ضمير
بس انا لو جبت لي مية مره ما تحرك فيّ شعره لو تطير



.

القصيدة السابقة (من تحت لي تحت ) | القصيدة التالية (يجيني يوم و اعطيهـا )



واقرأ لنفس الشاعر
  • من تحت لي تحت
  • رسالة رثاء
  • قدها وقدود
  • قصة حياة
  • تزعلين وتقعدين
  • يقولون ما لا يفعلون
  • أثني عشر شهر
  • قلوبنا معكم
  • مفارق الفرسان
  • غدر الخناجر
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت