الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> لبنان >> جوزيف حرب >> ظلّك كذاب !

ظلّك كذاب !

رقم القصيدة : 86129 نوع القصيدة : عامي ملف صوتي: لا يوجد


ظلك، كذاب.. ما بيحسّ.. مَ بتفرق معو.

بيضحك عليك.. بيسرقك.. وبيستغلّك !

بيستعملك تـا ما يشوف الشمس هِيّي وبالسما.. بيستعملك كلك..

بيمشي وراك إن كان قدامك شمس..

قدامك بيمشي إذا شمسك وراك..

بيختفي..

إنكان الشمس نزلت عليك..

بيختفي حتى تحت إجريك..

بتمرض، مَ بيحس بمرض..

بتجوع، ما بيجوع..

بتحب ما بيحب.. بتشتاق ما بيشتاق.. وبتحزن ولا يحزن معك..

ما عنده بوجهه عيون، تا يبكو إذا بكيو عينيك..

بتوقع، بيوقع معك، مَ بينجرح..

وبتحترق ، بيصير يتلّوى معك،

لكن لا نار بتحرقو، ولا بينوجع..

وبيتركك وحدك إذا طل العتم،

من كثر ما هوّي جبان ومش وفي..

وإن فل بغياب الشمس، لما الشمس بتطل بتشوفو رجع..

كل اللي منك آخذو، شكلك.. واللي عملتو بيعملو، مثلك..

ظلك، مافي حدا بيرافقك قدو، بحياتك كلها..

ظلك، مَ بيهمّو إذا ما مت إنك مت.. وين بتندفن..

لا هوّ بيعزّي، ولا بيتعزّى ولا بيحضر إلك جِنّاز إنك صاحبو..

كل اللي يهمو، تضل طيب كثر ما بيخاف إنه بليل من بين الليالي،

لا قمر عنده ولا عنده نجم..

من بعد موتك، يحبسه بالعتم..

مره مرق ظلي ع بالي..

وكان ليل..

وهو مَ بعرف وين بغيابي..

تذكرت أصحابي!!



القصيدة السابقة (لما عـ الباب) | القصيدة التالية (طلع لي البكي !)



واقرأ لنفس الشاعر
  • ما قدرت نسيت
  • طالع ع بالي فِل
  • ورقو الأصفر
  • لما عـ الباب
  • حبيتك تنسيت النوم
  • طلع لي البكي !
  • نبقى سوى
  • ياريت منن
  • صفصاف
  • البواب
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت