الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> لبنان >> طليع حمدان >> حوض ورد

حوض ورد

رقم القصيدة : 85783 نوع القصيدة : عامي ملف صوتي: لا يوجد


حكيتي معي والشوق لهفّتو

عَا لحن لا سمعتو ولا عزفتو

من صوتك عرفتك حنوني كتير

وكل البعد ما بعرفو عرفتو

عرفت فيكي ليل ومشاوير

وفيكي فجر طالع بهفهفتو

وفيكي الربيع محمّمك بكير

وجايبلك من الزهر منشفتو

لكن أنا سبقتو حلم عَا سرير

شربت الندى عليكي تا نشّفتو

ولقيت فيكي طير ما بيطير

وحدو مخبّا بريش عاطفتو

وحلِمت فيكي حبوب للتخدير

منهن عَصَرت نبيذ ورشفتو

وحلمت فيكي حوض ورد زغير

شميت عطرو بس ما قطفتو

ومنديل عن تمّك بلا تفكير

زحتو حلتمك طفل كشّفتو

وبكرا إذا يقظه الحلم بيصير

بقلّك لقيتك متل ما حلمتك

وشفت اللي شفتو قبل ما شفتو



القصيدة السابقة (مبارح متل هلق) | القصيدة التالية (سواح)



واقرأ لنفس الشاعر
  • سواح
  • ويوم الحياة
  • ملاك الأبيض
  • مبارح متل هلق
  • يا ريت حدّك بنتهي
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت