| ماسمح قلبي يروح ولا يرى |
زول محبوبه ولو هو من بعيد
|
| آه واويلاه ياليته درى |
كيف حبه في حشا روحي يزيد
|
| أو درى إني منه قد حالي برى |
ذايب بالي عقب ماهو حديد
|
| وإن من الأبعاد موحي المقبرا |
يحفرونه لي وموقن بالوعيد
|
| ياليزيمي قول للي يحفرا |
يوسع الملحد على شان اللحيد
|
| ويحجز بيني وما بين الثرى |
عن عظام ناحلات كالجريد
|
| وانت يا دفان ياللي تقبرا |
يامهيل الترب بالسرعة مجيد
|
| حط من فوق القبر حتى يرا |
بنيتين كالنصايب له شهيد
|
| يعرفون القبر من جا ينظرا |
يعرفونه قبر مذبوح الوديد
|
| قبر من صان المودة واسترا |
قبر من لاخان عهد للعهيد
|
| كود لا من جاه علمي يذكرا |
وانعتوا قبري لمعلوقي وكيد
|
| ياتي لقبري ويذكر ما جرى |
يوم انا وياه في الدنيا عضيد
|
| ويترحم بالدعاء لي من قرا |
يوم خلاني وسط قبري وحيد |
